Tilbakebetaling for privatpersonar

Du skal bruke dette skjemaet når du skal søkje om tilbakebetaling av tollavgift og / eller mva frå Tolletaten.

Du kan søkje Tolletaten om tilbakebetaling når:
•    Du har betalt avgifter på ei vare du meiner skulle ha vore avgiftsfri, t.d. på ei gåvesending med verdi under 1 000 kroner 
•    Du har returnert ei vare til seljar og fått ny gratis erstatningsvare som du har betalt importavgifter på. Då kan du søkje oss om tilbakebetaling av tollbeløpet (om du betalte toll ved innførselen), medan du må søkje Skatteetaten om tilbakebetaling av MVA 
•    Du har returnert ei vare og fått tilbake kjøpesum frå sel. Då kan du søkje oss om tilbakebetaling av tollbeløpet (om du betalte toll ved innførselen), medan du må søkje Skatteetaten om tilbakebetaling av MVA 
•    Du har sendt ei vare til utlandet for reparasjon, men måtte betale avgifter på den fulle verdien av varet når han kom i retur Speditøren har brukt feil grunnlag / feil pris. Årsak kan vere skrivefeil i fakturaen frå sel (feil valuta) eller feil faktura 
•    Speditøren har fortolla sendinga fleire gonger
•    Du har betalt for mykje i kvoteappen

Du kan IKKJE søkje Tolletaten om tilbakebetaling når:
•    Du skal søkje refusjon av avgifter på ei VOEC-sending som også har vorte fortolla av transportselskapet / speditøren. Då må du kontakte nettbutikken for refusjon. 
•    Viss sendinga di er fortolla på ei samlefortolling. Då skal du kontakte transportselskapet / speditøren som har fortolla sendinga di. 
•    Om du skal søkje om refusjon av fortollingsgebyret til transportselskapet / speditøren. Tolletaten betaler ikkje tilbake dette gebyret. Dette er eit gebyr du betaler til transportselskapet / speditøren (Posten, Bring, DHL, UPS, etc.) for fortollingsjobben dei har gjort for deg. Har du spørsmål om dette gebyret, må du ta kontakt med dei. 
•    Du skal søkje refusjon av meirverdiavgift og særavgifter etter at du har returnert vara til seljar. Desse søknadene sender du til Skatteetaten.
Det er i all hovudsak meirverdiavgift og fortollingsgebyret til transportselskapet / speditøren du betaler når du innfører varer. Sjekk derfor kvitteringane og kopiane du har fått nøye før du sender søknad.

Berre privatpersonar kan nytte skjemaet.

Kva vedlegg du må/bør laste opp og vedleggje søknaden vil vere avhengig av kva du ønskjer å få betalt tilbake. Når du fyller ut søknadsskjemaet vil du få nærare informasjon om kva vedlegg som krevst.

Døme på vedlegg kan vere faktura/rekning, innførsels- eller utførselsdeklarasjonen/kvitteringa frå Tolletaten.

Godkjende filformat for vedlegg er .jpeg, .png, .docx, .jpg, .PDF, .pptx, og .xlsx

Du vil få ei kvittering frå Altinn med eit referansenummer. Kvitteringa finn du i din Altinn innboks under Arkiv. Dette referansenummeret bruker du om du skal ettersende ytterlegare informasjon/dokumentasjon. For å sende inn ny informasjon i di sak, bruker du skjemaet Pågåande sak hos Tolletaten.