Starte og registrere enkeltpersonføretak

🔗Vurderer du å starte enkeltpersonføretak?

Veit du kva som skal til for å lykkast og kva det krev av deg? Oppstartsrettleiaren skal forberede deg på kva det inneber å ha eit enkeltpersonføretak. Rettleiaren gir informasjon om kva du bør tenke på og korleis du bør gå fram.

🔗For å starte eit enkeltpersonføretak må du:

• planlegge å drive næringsverksemd
• ha ei norsk forretningsadresse (det vil seie ei norsk fysisk adresse og oppgitt med gate eller veg, husnummer, postnummer og stad. Postboksadresse blir ikkje godtatt)
• ha fylt 18 år (Dersom du er over 15 år kan du registrere enkeltpersonføretak med løyve frå føresette/verje og Statsforvaltaren (Søknad om godkjenning frå  statsforvaltaren) vel "Søknad om godkjenninga til statsforvaltaren til å gjere andre disposisjonar på vegner av person med verjemål" etter innlogging i skjemaet) 

🔗Registrere enkeltpersonføretak

Slik registrerer du eit enkeltpersonføretak dersom du har norsk fødselsnummer eller d-nummer(Dersom du har d-nummer er det ein føresetnad at du har vore til ID-kontroll hos Skatteetaten. Har du ikkje vore til ID-kontroll vil du få brev om at dette må gjerast før registreringa kan fullførast.):

1. Registrer enkeltpersonføretaket ved å fylle ut skjemaet Samordna registermelding i Altinn.
2. Dersom du har avtale med ein rekneskapsførar eller revisor, må hen stadfeste oppdraget ved å signere meldinga elektronisk.
3. Send meldinga til signering. Du vil få ei signeringsmelding i innboksen din i Altinn og kan signere meldinga.
4. Når føretaket er registrert får du melding om dette i din Innboks i Altinn. Om elektronisk signering

Alternativet til å registrere enkeltpersonføretaket i Altinn er å registrere enkeltpersonføretaket i enkelte bankar eller rekneskapsprogram, gjennom det som heiter digital selskapsetablering.

🔗Stifting og registrering for utanlandske statsborgarar utan norsk fødselsnummer eller d-nummer

🔗Utanlandsk statsborgar

Dersom du er statsborgar i eit land utanfor EU-/EØS, og planlegg å drive verksemd i Noreg, må du ha opphaldsløyve for arbeid. Vilkåra for å søke opphaldsløyve finn du hos Utlendingsdirektoratet (UDI).

🔗Namn på enkeltpersonføretak

I enkeltpersonføretak må etternamnet ditt vere ein del av føretaksnamnet. Du kan i tillegg velje eit marknadsføringsnamn som blir registrert som eige namn på undereininga. Les meir om val av namn (domenenamn, føretaksnamn og varemerke).

🔗Kva kostar det å registrere eit enkeltpersonføretak?

Å registrere eit enkeltpersonføretak i Einingsregisteret kostar 2 181 kroner ved elektronisk registrering(ved registrering på papirskjema er gebyret 2 746 kroner).

Enkeltpersonføretak treng som hovudregel ikkje å registrere seg i Føretaksregisteret. Informasjon om kva enkeltpersonføretak som må registrerast i Føretaksregisteret finn du under lenka "Brønnøysundregistera om registreringsplikt i Føretaksregisteret for enkeltpersonføretak."

Å registrere enkeltpersonføretak både i Einingsregisteret og Føretaksregisteret kostar 3 883 kroner i gebyr ved elektronisk registrering(ved registrering på papirskjema er gebyret 4 398 kroner).

Registrering i Føretaksregisteret i ettertid kostar 3 185 kroner ved elektronisk registrering(ved registrering på papirskjema er gebyret 3 700 kroner).

Du får tildelt eit organisasjonsnummer når registreringa er behandla.

🔗Kor lang tid tar det?

Saksbehandlingstidene hos Brønnøysundregistera varierer gjennom året.

🔗Drive enkeltpersonføretak

Du kan lese om drift av enkeltpersonføretak her.